طريقة تحضير الزربيان العدني

الزربيان العدني

المقادير

دجاجه ..
 رز ..
 بصل ..
ثوم ..
زيت ..
 ملح ..
 علبة زبادي ..
 ملعقتين كبار كزبره مفرومه ..
 حبتين بطاطس كبار ..
 بهارات عدله لسلق الدجاج
 فلفل اسود ورق غار وهيل ..
 بهارات مطحونه للرز
 كمون وبهارات مشكله
 فلفل اسود ..
 ليمون اسود واعواد قرفه ..
 ثلاث ملاعق صلصة طماطم .. وفلفل اخضر او احمر حار.. زبيب وصنوبر ولوز .

نجيب قطع الدجاج ،، انا هنا سويتها بدجاجه وقطعتها بالنص والنص لـ ثمان قطع يعني الدجاجه خليتها ١٦ قطعه صغيره وسلقتها نص سلق بالبهارات العدله فلفل اسود وورق غار وهيل وحبة بصله مقطعه ارباع وبعد السلق نصفيه ونحتفظ بالماء

.
نسلق الرز بماء سلق الدجاج ونحط ملح وزيت وبهارات عدله
.
ثم نحمس حبة بصل مقطعه صغير وثوم بزيت بعد الحمس نحط الكزبره والبهارات المطحونه وورق غار والليمون الاسود واعواد القرفه والصلصه والدجاج والبطاطس والزبادي والفلفل الحار وشوي ملح ونحرك ونوطي عليه النار ونخليه الى ان يستوي ربع ساعه تقريباً .
حمسة المكسرات نقلي بصل الى ان يصير لونه بني ونخلط معه زبيب وصنوبر محمر ولوز وذرة كمون وذرة هيل مطحون ونحمسه شوي ونخليه على جنب
.
نجيب قدر ونحط فيه نص الرز ثم خلطة الدجاج ثم باقي الرز ونحط فوق الرز شوي زعفران او لون الزعفران حسب الرغبه ونحط حمسة المكسرات ونغطيه ونوطي النار وبعد الاستواء نشيل حمسة المكسرات مع شوي من الرز الاصفر ونحرك الرز مع الدجاج ونغرفه بالصحن ويزين بالحمسه ويقدم احلى زربيان عدني
.
وبالعااااافيه